தேசிய அடையாள அட்டையை இழந்த ஒருவர் உடனடியாக அருகில் உள்ள பொலிஸ் நிலையத்திற்கு தகவல் தெரிவித்து, தொலைந்து போன தேசிய அடையாள அட்டைக்கு பதிலாக புதிய தேசிய அடையாள அட்டைக்கு உடனடியாக விண்ணப்பிக்க வேண்டும்.

விண்ணப்பத்தை சமர்ப்பித்தல்.

	விண்ணப்பதாரி	விண்ணப்பத்தை சான்றுறுதிப்படுத்தும் உத்தியோகத்தர்
1	தேசிய அடையாள அட்டை தொலைந்து போன தோட்ட குடியிருப்பாளர்	தோட்ட அதிகாரி
2	தேசிய அடையாள அட்டை தொலைந்து போன தோட்ட குடியிருப்பாளர் அல்லாத எந்தவொரு விண்ணப்பதாரரும்,	கிராம அலுவலரால் (பிரதேச செயலாளரின் மேலொப்பம் கட்டாயம்)

ஒவ்வொரு விண்ணப்பதாரரும் சம்பந்தப்பட்ட சான்றுறுதிப்படுத்தும் அலுவலர் மூலம் விண்ணப்பப்படிவத்தை அனுப்புவது கட்டாயமாகும்.

கட்டண அறவீடு

1	தொலைந்து போன தேசிய அடையாள அட்டைக்குப் பதிலாக புதிய தேசிய அடையாள அட்டையை விநியோகிப்பதற்கான கட்டணம் (புதிய கட்டணம் அறவிடுவதற்கான அறிவிப்பு). இணைப்பு	ரூ.1000.00
2	சாதாரண சேவையின் கீழ் பதிவு செய்யப்பட்ட தபால் மூலம் தேசிய அடையாள அட்டையை அனுப்புவதற்கான கட்டணம்	ரூ.120.00

மேற்கூறிய கட்டணங்களை விண்ணப்பத்தை சான்றுறுதிப்படுத்தும் சான்றளிக்கும் உத்தியோகத்தர்கள் மூலம் செலுத்த முடியும்.

சமர்ப்பிக்க வேண்டிய ஆவணங்கள்

1. சரியாக பூர்த்தி செய்யப்பட்ட விண்ணப்பப்படிவம் (ஆ.ப.தி./வி/1,7,8 விண்ணப்பப்படிவம்)
2. பொலிஸ் முறைப்பாட்டு அறிக்கையின் மூலப்பிரதி
3. மேலதிக மாவட்டப் பதிவாளரால் சான்றளிக்கப்பட்ட பிறப்புச் சான்றிதழ் அல்லது பிறப்புப் பதிவேட்டில் இருந்து பிரித்தெடுக்கப்பட்ட குறிப்பு
4. 06 மாத காலத்திற்குள் பெற்றுக்கொள்ளப்பட்ட ICAO தரமுடைய புகைப்படம் (இணைப்பு)
5. விண்ணப்பக் கட்டணம் செலுத்தியதற்கான பற்றுச்சீட்டு

தேசிய அடையாள அட்டைகளை விநியோகித்தல்

சாதாரண சேவை	கிராம அலுவலரால் அனுப்பப்பட்ட விண்ணப்பங்கள் அந்தந்த பிரதேச செயலகங்களின் அடையாள அட்டை பிரிவு மூலம் விண்ணப்பம் மற்றும் உரிய ஆவணங்களை திணைக்கள கணினி அமைப்பிற்கு சமர்ப்பித்த பின்னர் விண்ணப்பதாரருக்கு தபால் மூலம் விநியோகிக்கப்படும்.
ஒருநாள் சேவை	ஒரு நாள் சேவையின் கீழ் தேசிய அடையாள அட்டையைப் பெற விரும்பும் விண்ணப்பதாரர்கள் பூர்த்தி செய்யப்பட்ட விண்ணப்பங்களுடன் பத்தரமுல்லை தலைமை அலுவலகம் அல்லது காலி மாகாண காரியாலயத்திற்குச் சென்று சேவையைப் பெறலாம்.

தேசிய அடையாள அட்டையில் திருத்தம் மேற்கொள்ளல்

தேசிய அடையாள அட்டை திருத்துவதற்கான சந்தர்ப்பம்

ஒரு தேசிய அடையாள அட்டை சேதமடைந்தால் அல்லது அதில் உள்ள தகவல்கள் அழிந்திருந்தாலோ அல்லது வாசிக்க முடியாத நிலையிலோ அல்லது அதில் உள்ள தகவல்கள் கிட்டத்தட்ட படிக்க முடியாத நிலையில் ஏற்பட்டாலோ அல்லது தேசிய அடையாள அட்டையில் உள்ள தகவல்கள் மாறியிருந்தாலோ அல்லது அடையாள அட்டையில் தவறான தகவல்கள் இடம் பெற்றிருப்பது தெரியவரும் பட்சத்தில், தேசிய அடையாள அட்டையில் திருத்தம் செய்வதற்கு உடனடியாக விண்ணப்பிக்க வேண்டும்.

விண்ணப்பத்தை சமர்ப்பித்தல்.

	விண்ணப்பதாரி	விண்ணப்பத்தை சான்றுறுதிப்படுத்தும் உத்தியோகத்தர்
1	தேசிய அடையாள அட்டையில் திருத்தம் மேற்கொள்ள உள்ள தோட்ட குடியிருப்பாளர்	தோட்ட அதிகாரி
2	தேசிய அடையாள அட்டையில் திருத்தம் மேற்கொள்ள உள்ள தோட்ட குடியிருப்பாளர் அல்லாத எந்தவொரு விண்ணப்பதாரர்	கிராம அலுவலர் (பிரதேச செயலாளரின் மேலொப்பம் கட்டாயம்)

ஒவ்வொரு விண்ணப்பதாரரும் சம்பந்தப்பட்ட சான்றுறுதிப்படுத்தும் உத்தியோகத்தர் மூலம் விண்ணப்பப் படிவத்தை அனுப்புவது கட்டாயமாகும்.

கட்டண அறவீடு

1	திருத்தம் செய்யப்பட்ட தேசிய அடையாள அட்டை விநியோகிப்பதற்கான கட்டணம் (புதிய கட்டண அறவீடு தொடர்பான அறிவிப்பு)	ரூ.500.00
2	சாதாரண சேவையின் கீழ் பதிவு செய்யப்பட்ட தபால் மூலம் தேசிய அடையாள அட்டையை அனுப்புவதற்கான கட்டணம்	ரூ.120.00

விண்ணப்பத்தை சான்றுறுதிப்படுத்தும் உத்தியோகத்தர்கள் ஊடாக இந்த கட்டணங்களை அந்தந்த பிரதேச செயலகத்தின் காசாளருக்கு செலுத்த முடியும்.

சமர்ப்பிக்க வேண்டிய ஆவணங்கள்

1. சரியாக பூர்த்தி செய்யப்பட்ட விண்ணப்பப்படிவம் (ஆ.ப.தி./வி/1,7,8 விண்ணப்பப்படிவம்)
2. இறுதியாக பயன்படுத்தப்பட்ட தேசிய அடையாள அட்டை
3. மேலதிக மாவட்டப் பதிவாளரால் சான்றளிக்கப்பட்ட பிறப்புச் சான்றிதழ் அல்லது பிறப்புப் பதிவேட்டில் இருந்து பிரித்தெடுக்கப்பட்ட குறிப்பு
4. 06 மாத காலத்திற்குள் பெற்றுக்கொள்ளப்பட்ட ICAO தரமுடைய புகைப்படம்
5. விண்ணப்பக் கட்டணம் செலுத்தியதற்கான பற்றுச்சீட்டு

இரட்டை குடியுரிமை பிரஜைகளுக்காக தேசிய அடையாள அட்டை விநியோகித்தல்

1948 ஆம் ஆண்டின் 19 ஆம் இலக்க குடியுரிமைச் சட்டத்தின் 19(2) பிரிவின் கீழ் இரட்டைக் குடியுரிமை

9(2) பிரிவின் கீழ் இரட்டைக் குடியுரிமை பெற்றவர்கள் குடியுரிமையை இழந்து மீண்டும் இலங்கைக் குடியுரிமையைப் பெற்றுள்ளதால் பழைய தேசிய அடையாள அட்டை இலக்கத்தை இரத்து செய்ய வேண்டும். அத்துடன் பழைய தேசிய அடையாள அட்டை இலக்கம் இரத்து செய்யப்பட்டு புதிய தேசிய அடையாள அட்டை இலக்கம் வழங்கப்படுவதுடன் இலக்க மாற்றத்தை உறுதிப்படுத்தும் கடிதம் திணைக்களத்தின் மூலம் வழங்கப்படும்.

1948 ஆம் ஆண்டின் 19 ஆம் இலக்க குடியுரிமைச் சட்டத்தின் 19(3) பிரிவின் கீழ் இரட்டைக் குடியுரிமை

19(3) பிரிவின் கீழ் குடியுரிமை பெற்றிருந்தால், குடியுரிமை இரத்து செய்யப்படாது, எனவே அந்த நபர்களின் பழைய தேசிய அடையாள அட்டை இலக்கம் இருக்குமானால், அந்த இலக்கம் இரத்து செய்யப்படாது, அதே இலக்கத்தை மீண்டும் பெற்றுக்கொள்ள முடியும்.

19(2) இரட்டை குடியுரிமையாளர்கள் சமர்ப்பிக்க வேண்டிய ஆவணங்கள்

1. சரியாக பூர்த்தி செய்யப்பட்ட விண்ணப்பப்படிவம் (ஆ.ப.தி./வி/1,7,8 விண்ணப்பப்படிவம்)
2. இரட்டை குடியுரிமை சான்றிதழின் மூலப்பிரதி அல்லது சான்றுபடுத்தப்பட்ட பிரதி
3. தேசிய அடையாள அட்டை, பிரதேச செயலகத்தின் ஆட்களைப் பதிவு செய்யும் பிரிவில் சமர்ப்பிக்க வேண்டிய ஆவணம்
4. இரட்டை குடியுரிமை சான்றிதழ் வழங்கப்பட்ட நாளிலிருந்து தேசிய அடையாள அட்டைக்கு விண்ணப்பித்த திகதிக்கும் இடைப்பட்ட காலம் 06 மாதங்களுக்கும் மேலாக இருந்தால், உரிய காலத்திற்குள் அடையாள அட்டை பெறப்படவில்லை என்றும் அதற்காக விண்ணப்பம் சமர்ப்பிக்கப்படவில்லை என்பதற்கான பிரகடனம் (படிவத்தைப் பதிவிறக்கவும்)

இரட்டை குடியுரிமையாளர்களுக்காக 19(2) தேசிய அடையாள அட்டை பெற்றுக்கொள்வதற்கான கட்டண அறவீடு

1	இரட்டை குடியுரிமையாளர்களுக்காக 19(2) தேசிய அடையாள அட்டை பெற்றுக்கொள்வதற்கான கட்டண அறவீடு	ரூ.200.00
2	சாதாரண சேவையின் கீழ் பதிவு செய்யப்பட்ட தபால் மூலம் தேசிய அடையாள அட்டையை அனுப்புவதற்கான கட்டணம்	ரூ.120.00
3	இரட்டைக் குடியுரிமை பெற்ற திகதிக்கும் தேசிய அடையாள அட்டைக்கு விண்ணப்பித்த திகதிக்கும் இடைப்பட்ட காலம் 06 மாதங்களுக்கு மேல் இருந்தால்	ரூ.2500.00

மேற்படி கட்டணத்தை, விண்ணப்பத்தை சான்றுறுதிப்படுத்தும் சான்றளிக்கும் உத்தியோகத்தர்களினூடாக செலுத்த முடியும் எனவும், தண்டப்பணம் சம்பந்தப்பட்ட பிரதேச செயலகத்தின் காசாளரிடம் செலுத்த வேண்டும்.

1948 ஆம் ஆண்டின் 19 ஆம் இலக்க குடியுரிமைச் சட்டத்தின் 19(3) பிரிவின் கீழ் தேசிய அடையாள அட்டை பெற்றுக்கொள்வதற்காக விண்ணப்பிக்கும் இரட்டை குடியுரிமையாளர்கள் சமர்ப்பிக்க வேண்டிய ஆவணங்கள்.

மேலே 19(2)ன் கீழ் குறிப்பிடப்பட்டுள்ள ஆவணங்களுக்கு மேலதிகமாக,

1. அடையாள அட்டை திருத்தம் என்றால் பழைய தேசிய அடையாள அட்டை, இல்லையேல் தேசிய அடையாள அட்டை தொலைந்து போனதாக பொலிஸ் அறிக்கை
2. 15 வயதுக்கு மேற்பட்ட ஒருவர் முதன்முறையாக தேசிய அடையாள அட்டைக்கு விண்ணப்பித்தால், உரிய காலத்திற்குள் அடையாள அட்டை பெறப்படவில்லை எனவும் அது தொடர்பாக விண்ணப்பப்படிவம் சமர்ப்பிக்கப்படவில்லை என்பதற்கான (ஆ.ப.தி/இ/02/03) பிரகடனம் (படிவத்தைப் பதிவிறக்கம் செய்து பெற்றுக்கொள்ளவும்).

ஒருநாள் சேவையின் கீழ் தேசிய அடையாள அட்டையைப் பெற்றுக்கொள்ளல்

தேசிய அடையாள அட்டையை விரைவாகப் பெற வேண்டிய நபர்களுக்கு ஒரு நாள் சேவையின் கீழ் தேசிய அடையாள அட்டைகள் வழங்கப்படுகின்றன.

ஒருநாள் சேவையானது ஆட்களைப் பதிவு செய்யும் திணைக்களத்தின் தலைமை அலுவலகம் மற்றும் காலி மாகாண காரியாலயத்திலும் இடம்பெறுகிறது. காலை 7.30 மணி முதல் மதியம் 12.30 மணி வரை தலைமை அலுவலகத்திற்கு வரும் விண்ணப்பதாரர்கள் 9வது மாடியில் உள்ள D பிரிவிற்கு சென்று இந்த சேவையைப் பெறலாம்.

கட்டணம் / தாமதக்கட்டணம் அறவிடுதல்

1	ஒரு நாள் சேவை கட்டணம்	ரூ.2000/-
2	முதற் தடவையாக தேசிய அடையாள அட்டை விநியோகிப்பதற்கான கட்டணம்	ரூ.200/-
3	திருத்தம் செய்யப்பட்ட தேசிய அடையாள அட்டையைப் பெற்றுக்கொள்ளுதல்	ரூ.500/-
4	தொலைந்து போன தேசிய அடையாள அட்டைக்கு பதில் புதிய தேசிய அடையாள அட்டையைப் பெற்றுக்கொள்ளுதல்	ரூ.1000/-
5	15 வயதை பூர்த்தி செய்த நாளிலிருந்து ஒரு வருடத்திற்குள் தேசிய அடையாள அட்டைக்கு விண்ணப்பிக்காத விண்ணப்பதாரருக்கான தண்டப்பணம்	ரூ.2500/-
6	குடியுரிமைச் சட்டத்தின் 19 (2) பிரிவின் கீழ், இரட்டைக் குடியுரிமைச் சான்றிதழ் வழங்கப்பட்ட நாளிலிருந்து 06 மாதங்களுக்குள் தேசிய அடையாள அட்டையைப் பெறாத விண்ணப்பதாரருக்கான தண்டப்பணம்.	ரூ.2500/-

மேற்கூறிய கட்டணங்கள் மற்றும் தண்டப்பணம் ஒரு நாள் சேவையின் காசாளரிடம் செலுத்த வேண்டும்.

விண்ணப்பத்துடன் சமர்ப்பிக்க வேண்டிய ஆவணங்கள்

முதற் தடவையாக தேசிய அடையாள அட்டைகளைப் பெற்றுக்கொள்ள
திருத்தம் செய்யப்பட்ட தேசிய அடையாள அட்டைகளைப் பெற்றுக்கொள்ள
தொலைந்து போன தேசிய அடையாள அட்டைக்கு புதிய தேசிய அடையாள அட்டையைப் பெற்றுக்கொள்ள
இரட்டை குடியுரிமைதாரர்களுக்கு தேசிய அடையாள அட்டை வழங்கல்

மேற்கண்ட ஒவ்வொரு சந்தர்ப்பங்களுக்கும் தேவையான ஆவணங்களுடன் கிராம அலுவலரை சந்தித்து விண்ணப்பத்தை அனுப்ப முடியும்.
விண்ணப்பதாரர் ஒரு நாள் சேவைக்கு வரும் போது மேலே குறிப்பிடப்பட்ட ஆவணங்களின் "மூலப்பிரதிகளை" கொண்டு வருவது கட்டாயமாகும்.