ஆன்லைன் அமைப்பு மூலம் தேசிய அடையாள அட்டை தகவலை சரிபார்த்தல்
(NIC LOOKUP SYSTEM)

இலத்திரனியல் தேசிய அடையாள அட்டை திட்டத்தின் மூலம் வெளி நிறுவனங்களின் கணினி அமைப்புகளுக்கு நேரடியாக தனிப்பட்ட தகவல்களை சரிபார்க்கும் தானியங்கி சேவை எதிர் காலத்தில் ஆரம்பிக்கப்படும் வரை, ஆட்கள் பதிவுத் திணைக்களமானது ஒரு இடைக்கால சேவையாக பாதுகாப்பான இணையச் சேவையை வழங்க தொடங்கியுள்ளது அதன்படி, இந்தச் சேவையின் மூலம், தனிநபரின் ஒப்புதலுடனும், தனிநபரின் தனியுரிமையை பாதுகாக்கும் வகையிலும் தேசிய அடையாள அட்டையின் தகவல்களை திணைக்களத்தில் பதிவுசெய்யப்பட்ட வெளி நிறுவனங்களுக்குத் இணைய வழி முறையில் தானாகவே வழங்குவதற்கான நடவடிக்கைகளை நாங்கள் மேற்கொள்வோம்.

எங்கள் திணைக்களத்தினால் தேசிய அடையாள அட்டை இலக்கத்திற்குரிய கணினிமயமாக்கப்பட்ட தகவல்களை மட்டுமே பாதுகாப்பாக வழங்குவதால், அந்தத் தகவலின் அடிப்படையில் சம்பந்தப்பட்ட நிறுவனங்கள் எடுக்கும் முடிவுகளுக்கு நாங்கள் பொறுப்பல்ல. மேலும் சம்மந்தப்பட்ட நிறுவனத்தின்செயல்பாடுகளுக்காக எடுக்கப்படும் முடிவுகளுக்கானபொறுப்பு அந்த நிறுவனத்தையே சாரும். தற்போது, அடையாள அட்டைகளை வழங்கும் செயல்முறை கணினிமயமாக்கப்பட்ட தரவுத்தளம் மூலம் மேற்கொள்ளப்படுகிறது, மேலும் 2014 க்கு முன்னர் மனித உழைப்பை பயன்படுத்தி வழங்கப்பட்ட தேசிய அடையாள அட்டைகள் தொடர்பான கணிசமான தகவல்கள் ஏற்கனவே அந்த தரவுத்தளத்தில் சேர்க்கப்ட்டுள்ளன.

ஒரு நபரின் சேவைத் தேவைகளை பூர்த்தி செய்யும்போது ஒரு நிதி நிறுவனம் அல்லது ஏனைய நிறுவனத்தினால் அந்த நபரின் தேசிய அடையாள அட்டையில் உள்ள தகவல்கள் திணைக்களத்தின் தரவுத்தளத்தில் இல்லை என்று அவருக்கு தெரிவிக்கப்படும் பட்சத்தில் இது தொடர்பான தகவல்களை திணைக்களத்திடம் கோரலாம்.

அந்த நபருக்கு வழங்கப்பட்டுள்ள தேசிய அடையாள அட்டையின் துல்லியத்தை உறுதிப்படுத்துவதற்காக, விண்ணப்பதாரருக்கு திணைக்களத்தின் மூலம் கடைசியாக வழங்கப்பட்ட தேசிய அடையாள அட்டை மற்றும் அவரது/அவளது பிறப்புச் சான்றிதழின் மூல பிரதியை (மேலதிக மாவட்ட பதிவாளரின் கையொப்பம் பதவி முத்திரையுடன்) தொடர்பு கொள்ளக்கூடிய தொலைபேசி இலக்கத்துடன் சேர்த்து niclookup.ccu@drp.lk என்ற மின்னஞ்சல் முகவரியின் மூலம் திணைக்களத்தின் இலக்கங்களை உறுதிப்படுத்தும் கிளைக்கு அனுப்ப வேண்டும்.அவ்வாறு அனுப்ப முடியாத சந்தர்ப்பங்களில் மட்டுமே, ஆட்களைப் பதிவுசெய்யும் திணைக்களத்தின் மாகாண காரியாலயகங்களில் அல்லது அருகிலுள்ள பிரதேச செயலகங்களில் அமைந்துள்ள பிரதேசகாரியாலயங்களுக்கு அந்த ஆவணங்களை சமர்ப்பிக்கலாம்.

இவ்வாறு சமர்ப்பிக்கப்பட்ட அடையாள அட்டைகள் மற்றும் ஆவணங்கள் பரிசோதிக்கப்பட்ட பின், அந்த திணைக்களத்தின் விதிமுறைகளின் கீழ் மற்றும் எதிர்பார்க்கப்பட்ட சேவையை கருத்தில் கொண்டு, அந்த தேசிய அடையாள அட்டை தரவுதளத்தில் சேர்ப்பதற்காக பரிசீலிக்கப்படும்.தரவுதளத்தில் உள்ளிடுவதற்கு அடையாள அட்டயை (physical) நேரில் சமர்ப்பிக்கப்பட வேண்டும். சேதமடைந்த, தெளிவற்ற, நிறம் மாறிய அல்லது விண்ணப்பதாரரால் மாற்றம் செய்யப்பட்ட அடையாள அட்டைகள் தொடர்பான கோரிக்கைகள் நிராகரிக்கப்படும்.

விசாரணைகள்
கிளை தலைவர் - இலக்கத்தை உருதிப்படுத்தும் கிளை
தொலைப்பேசி இலக்கம் : 011 52261624
மின்னஞ்சல் : niclookup.ccu@drp.lk